الرئيسية
ۈإرتباڪ العاشقين ..
عهدي بها من قبل تلبس عباية=وانابعد قبل البس شماغ وعقال
طفلين نتهجى حروف البداية=الله ياما اجمل سوالف الاطفال
كانت لنا فى كل شارع حكاية=وكنا نقول علوم ماهيب تنقال
وكنت اتقاسم مامعاها معاية= من عسكريم التوت للعلك ابو ريال
وكانت بعكسئ شاطرة بالقراية=تقراءجزو عم وطة والانفال
وانا لك الله من مواري غباية=مدري ابو نقطة هو الذال ولاالدال
وكانت لابوية تشتكي من شقاية=وتعلمة كيف اربط الباب بالحبال
ياماعلى ظهري كسر من عصاية=يقول لى خلك وانا ابوك رجال
وامي تقول: ادع لولدك الهداية=خوفى يصيبة كثر الضرب بهبال
لاشفتها مع اول الدرب جاية= مدري انااللى ملت ولا الوطا مال
احس قلبى يرتجف في حشاية=ماكنة الا الضيف لاهز فنجال
ياماعن السعلى تخبت وراية=لاخوفناها فية ثم شافت ظلال
تقول:خلك ياحبيبي معاية=واستانس والعب عندها دورالابطال
واغار حتى من عيون اصدقاية=لاطالعوها قلت:تكفون ياعيال
