الرئيسية
ۈإرتباڪ العاشقين ..
.. السلام عليكم ورحمة الله وبركاته ..
كيف الاخوات جميعا...
جايبه لكم خلطه من شهرين ودي احطها بالمنتدى علشان الكل يستفيد بس كنت صابره اللين كثير من جماعتنا يجربونها والحمدلله
كل من جربها ظبطت معه والكل يدعي لصاحبة الخلطه
واول من بدا فيها ناس من جماعتنا على بناتهم الصغار بس كانت شعورهم اسياااااااام مساكين يعني مرررررره خشنه ولما
ظبطت اختي قالت لوحده من صديقاتها واتصلت عليها تقول سويتها لي ولبنتي وصارت خياليه وزوجي يدعيلك
لاني صرت اقوم مافيه كشه واتروش ماحتاج سشواربعني نعومه خيال واليوم بنت اختي عطتها صديقتها وبتسويها امها لها قبل العيد
حلو الكلام
واللي احلا ان الخلطه طبيعيه100%
وابدا لكم بالمقادير ......
جيبي من العطار
نص كيلو عفص
وثمن كيلو حديديه
و3 ملاعق حنا
و2ملعقه ملح
و2ملعقه مسمار
نجي للطريقه..........
ناخذ نص الكيلو العفص ونحمسه مع زيت كنك تقلين بطاطس اذا تفقش واجتمع على بعض يشخل وتبردينه وبعدين تدقينه بالنجر
وبعدين ندق الحديديه ونحطها على العفص ونحط فوقهم الحنا والملح والمسمار طبعا المسمار مطحون
بعدين نعجنهم بالماء اللين يصير مثل حنا الراس يعني لاسائل ولا جامد
والحين نجي وشلون نحطه.....بس فيها انا الخلطه تخلي الشعر اسوووووووووود مره تراني قلت لكم....
واتوقع كثير اللي يبون شعرهم اسود خاصه انه الموضه الحين
اول شئ الشعر يكون مغسول ومسشور سشوار مرره زين وبعدين
يوزع الشعر خصل ويوضع على كل خصله من الخلطه ونجررها باليداو بمشط ناعم
واذا خلصتي من الشعر كله اقسميه لنصين وسويه على شكل طاقيه
اتوقع الكل يعرفها واللي مايعرف انكم تقسمون الشعر نصين وتودين القسم اللي من اليمين لليسار واللي من اليسار لليمين
*****لله واضح الشرح
وتخلينها على شعرك لازم لازم 24 ساعه
وتعالي شوفي النعومه خيال حتى للي شعرها كشه ومنفوشه
ويقولون اللي ماتنفع معها من اول مره تسويها بعد اسبوع مره
ثانيه بس الكل اللي جربوها من جماعتنا نفعت من اول مره
وتراني قلت لكم ترا الشعر يصير اسود
انا ماجربتاها لان شعري الحمدلله ناعم واي سؤال انا حاظره واتمنى للجميع شعور ناعمه وخاصه بنياتكم الصغينونات اللي يفرحون ان شعورهم تصير ناعمه وحرير
.................................................. ..................
اللي تسوي الخلطة سوى ضبطت معها أو ما ضبطت
ترد علينا عشان الكل يستفيد والله مانزلت هالخلطة
الا إني أبي أسعد الكل وأبي الأجر بدعائكم لي...
(((والله الله بالردود)))
منقوووووووووووووووووووووووووووووووووول
